കോഴിക്കോട്ട് ലുലു മാൾ ആദ്യ ഘട്ടം വിജയിച്ചാൽ രണ്ടാം ഘട്ടം കൂടുതൽ നിക്ഷേപം എത്തും.

ചേംബർ ഭവൻ അനക്സ് ഉദ്ഘാടനം ചെയ്തു

കോഴിക്കോട് :കോഴിക്കോട്ട് ലുലു മാൾ ഒന്നാം ഘട്ടം വിജയിച്ചാൽ രണ്ടാം ഘട്ടം കൂടുതൽ നിക്ഷേപം എത്തുമെന്ന് 

പ്രമുഖ വ്യവസായി പത്മശ്രീ എം എ യൂസുഫലി .

കാലിക്ക് ചേംബർ ഓഫ് കോമേഴ്സ് ചേംബർ ഭവൻ അനക്സിന്റെ ഉദ്ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം.

രാജ്യത്ത് കോൺഫ്രൻസ് ടൂറിസത്തിന് മുൻഗണന നൽകണമെന്ന് പ്രധാന മന്ത്രി കണ്ടപ്പോൾ നിർദ്ദേശിച്ചിരുന്നു , 

ഈ സാഹചര്യത്തിൽ ഹയാത്ത് ഹോട്ടലിന്റെ ബ്രാഞ്ച്  കോഴിക്കോട് തുടങ്ങുമന്നും അദ്ദേഹം പ്രഖ്യാപിച്ചു.

വ്യവസായ-വാണിജ്യരംഗത്തെക്കുറിച്ചുള്ള കാഴ്ചപ്പാട് മാറ്റുവാൻ സംരംഭകർ  തയ്യാറാവണം 

കോവിഡിന് ശേഷം കടന്നുവന്ന 

ഡിജിറ്റൽ യുഗത്തിന്റെ മാറ്റത്തെ വ്യവസായ-വാണിജ്യ രംഗത്ത് കൂടി കൊണ്ടുവരുവാൻ നാം തയ്യാറാകണം. എങ്കിലേ വരും കാലത്ത് നിലനില്ക്കുവാൻ സാധിക്കുകയുള്ളൂ.

 കോഴിക്കോടിന്റെ നഷ്ടപ്പെട്ട വാണിജ്യ പ്രതാപം തിരിച്ചു പിടിക്കാൻ കാലിക്കറ്റ് ചേംബർ ഓഫ് കോമേഴ്സ് മുൻകൈയ്യെടുക്കണമെന്നും അദ്ദേഹം കൂട്ടിച്ചേർത്തു.

നൂറ്റാണ്ടുകളുടെ പ്രതാപമാണ് കോഴിക്കോടിന്റെ വാണിജ്യ മേഖലക്കുള്ളത്. ഈ രംഗത്തെ സാങ്കേതികമാറ്റത്തിന്റെ പുതു യുഗത്തിൽ, ആ സാധ്യതകൾ കൂടി ഉപയോഗപ്പെടുത്തി പഴയ പ്രതാപം തിരിച്ചു കൊണ്ടുവരുവാൻ സാധിക്കും.

പലപ്പോഴും അറേബ്യയിൽ നിന്നുള്ള വ്യാപാരികൾ ഗോഡ്സ് ഓൺ കൺട്രിയിൽ നിന്നുള്ളയാളാണെന്ന് പരിചയപ്പെടുത്തുമ്പോൾ , അവരുടെ പിതാമഹൻമാരിൽ പലരും കാലിക്കൂത്തിൽ വാണിജ്യ ഇടപാടുമായി ബന്ധപ്പെട്ടതിനെക്കുറിച്ച് പറയുന്നത് കേൾക്കുമ്പോൾ ആ പഴയ പ്രതാപം തിരിച്ചു പിടിക്കുവാൻ നമുക്ക് സാധിക്കുമെന്നു തന്നെയാണ് തന്റെ പ്രതീക്ഷയെന്നും അദ്ദേഹം വ്യക്തമാക്കി.

ചടങ്ങിൽ പ്രസിഡന്റ് റഫി.പി. ദേവസ്യ അധ്യക്ഷ്യം വഹിച്ചു. 

വിനീഷ് വിദ്യാധരൻ (പ്രസിഡന്റ്), സിറാജ് എടത്തൊടി (സെക്രട്ടറി) എന്നിവരുടെ നേതൃത്വത്തിലുള്ള പുതിയ ഭാരവാഹികളെ

എം. എ യൂസുഫലി

സ്ഥാനചിഹ്നമണിയിച്ചു. മുൻ പ്രസിഡന്റ്മാരായ ഡോ. കെ.മൊയ്തു,

സുബൈർ കൊളക്കാടൻ, പി.കെ. അഹമ്മദ്, മലബാർ ഗ്രൂപ്പ്  ചെയർമാൻ എം.പി. അഹമ്മദ്, സി.കെ. അബ്ദുൾ മജീദ് എന്നിവർ സംസാരിച്ചു.

ബിൽഡിംഗ് കമ്മിറ്റി ചെയർമാൻ എം. മുസമ്മിൽ സ്വാഗതവും ചേംബർ സെക്രട്ടറി എ .പി. അബ്ദുല്ലക്കുട്ടി നന്ദിയും പറഞ്ഞു.

ഫോട്ടോ: 1-കാലിക്കറ്റ് ചേംബർ ഓഫ് കോമേഴ്സ് ചേംബർ ഭവൻ അനക്സിന്റെ ഉദ്ഘാടനം പ്രമുഖ വ്യവസായി എം എ യൂസഫലി ഉദ്ഘാടനം ചെയ്യുന്നു.

Photo. : പ്രമുഖ വ്യവസായി എം എ യൂസഫലി സംസാരിക്കുന്നു.