ശക്തമായ കാറ്റിൽ കവുങ്ങ് ഇലക്ട്രിക് ലൈനിലേക്ക് 

പൊട്ടി വീണു അപകട ഭീഷണി ; എകരൂരിൽ രണ്ട് വീട്ടുകാർ

ഭീതിയിൽ 

ബാലുശ്ശേരി :ശക്തമായ കാറ്റിൽ വീടിനു സമീപത്തെ ഇലക്ട്രിക് ലൈൻ പൊട്ടി വീണു അപകട ഭീഷണി.

ഉണ്ണികുളം എകരൂൽ പ്രദേശവാസികൾ

ഭീതിയിലായി. എകരൂർ പനയം കണ്ടിയിൽ 

രണ്ട് വീടിന് ഇടയിലെ പറമ്പിലാണ് ഇന്ന് പുലർച്ചെ ഉണ്ടായ ശക്തമായ കാറ്റിൽ കവുങ്ങ് വീണു വൈദ്യുത ലൈൻ പൊട്ടിയത്. അഞ്ച് കുട്ടികളടക്കമുള്ള രണ്ടു കുടുംബങ്ങൾക്കാണ് പ്രധാനമായും അപകടഭീഷണിയായത്. രാവിലെ കെ എസ് ഇ ബി അധികൃതരെ അറിയിച്ചിട്ടും ഇതുവരെ ഒരു നടപടിയും സ്വീകരിച്ചില്ലന്നാണ് പരാതി. വൈദ്യുതി മൂലം ഉണ്ടാകുന്ന അപകടങ്ങൾ കുറക്കാൻ കരുതൽ നടപടി എടുക്കണമെന്ന് പറയുമ്പോഴും അധികൃതരുടെ നിസംഗത തുടരുകയാണെന്ന് ആക്ഷേപം ഉയരുന്നു.