വി കെയർ പോളി ക്ലിനിക്കിൽ മോഷണം, പ്രതികൾ മലപ്പുറത്ത് പിടിയിൽ;

ബൈക്ക് നമ്പർ കേന്ദ്രീകരിച്ചുള്ള അന്വേഷണം പ്രതികളിലേക്ക് എത്തി

First in Atholi News.

ഉള്ളിയേരി :ആനവാതിലിൽ വി കെയർ പോളി ക്ലിനിക്കിൽ പൂട്ട് കുത്തി തുറന്ന് മോഷണം നടത്തിയ പ്രതികൾ പിടിയിൽ .

മലപ്പുറം ചെട്ടിപടി പടിഞ്ഞാറെ കുളപ്പരയ്ക്കൽ വീട്ടിൽ ഹരിദാസൻ മകൻ എം കിഷോർ (23), തേഞ്ഞിപ്പാലം ചേളാരി മുജീബ് റഹ്മാൻ മകൻ  അബ്ദുൽ മാലിക്ക് ( 20 ) എന്നിവരെയാണ് അത്തോളി പോലീസിന്റെ പിടിയിലായത്.

മോഷണം നടത്തി തിരികെ ബൈക്കിൽ പോകുന്നതിന്റെ ദൃശ്യം ലഭിച്ചിരുന്നു. ബൈക്ക് നമ്പർ കേന്ദ്രീകരിച്ചുള്ള അന്വേഷണമാണ് പ്രതികളിലേക്ക് എത്തിയത് , ഇരുവരെയും വീടുകളിൽ നിന്നാണ് കസ്റ്റഡിയിലെടുത്തതെന്ന് പോലീസ് ഇൻസ്പക്ടർ  

പി കെ ജിതേഷ് പറഞ്ഞു.

ഞായറാഴ്ച പുലർച്ചെ ഒന്നരയോടെയാണ് ക്ലിനിക്കിൽ മോഷണം നടത്തിയത്. 

രാവിലെ 7 മണിക്ക് ക്ലിനിക്ക് തുറക്കാൻ എത്തിയപ്പോഴാണ് വിവരം അറിയുന്നത്.

ഇതിന്റെ സി സി ടി വിയിൽ ദൃശ്യം പുറത്ത് വിട്ടിരുന്നു.

മേശവലിപ്പ് പൊളിച്ച്  20,000 ത്തോളം രൂപ നഷ്ടപ്പെട്ടതായാണ് ഉടമ ബഷീർ പാടത്തൊടി പോലീസിൽ പരാതി നൽകിയത് '

സിസിടിവി ക്യാമറയിൽ പതിഞ്ഞ ദൃശ്യത്തിൽ റെയിൻ കോട്ടും ഹെൽമറ്റും ധരിച്ചു തിരിച്ചറിയാൻ പറ്റാത്ത വിധത്തിലായിരുന്നു. 

മഴയായതിനാൽ കുത്തിപ്പൊളിക്കുന്നതിന്റെ ശബ്ദം കേൾക്കാത്തത് മോഷ്ടാവ് ഉപയോഗപ്പെടുത്തുകയായിരുന്നു. 

എസ് ഐ ആർ രാജീവ്, 

എ സി പി ഒ -കെ ഷിനിൽ , എ സി പി ഒ - പി ടി രതീഷ് , കെ എം അനീസ് എന്നിവരുടെ നേതൃത്വത്തിലായിരുന്നു കേസ് അന്വേഷണം.

പ്രതികളെ രാവിലെ കോടതിയിൽ ഹാജരാക്കും.

ഫോട്ടോ: 1 - എം കിഷോർ (നീല ബനിയൻ )

ഫോട്ടോ: 2 - അബ്ദുൾ മാലിക്ക് (വെളള ഷർട്ട് )