കൊയിലാണ്ടി ഉപജില്ല

വിദ്യാരംഗം സർഗോത്സവം

കൊങ്ങന്നൂർ എ എൽ പി സ്കൂളിൽ

"ശിൽപ്പശാല " നവംബർ 6 ന്

അത്തോളി :ഇതാദ്യമായി കൊയിലാണ്ടി ഉപജില്ല വിദ്യാരംഗം സർഗോത്സവത്തിന് കൊങ്ങന്നൂർ ആതിഥേയത്വം വഹിക്കുന്നു.

നവംബർ 6 ന് ഉപജില്ലയിലെ 75 ഓളം സ്കൂളിലെ യു പി , ഹൈസ്ക്കൂൾ വിഭാഗങ്ങളിൽ നിന്നായി 600 ഓളം വിദ്യാർത്ഥികൾ  7 വേദികളിലായി "ശിൽപ്പശാല " സർഗോത്സവത്തിൽ മാറ്റുരയ്ക്കും.

സർഗോത്സവത്തിന്റെ വിജയത്തിനായി വിപുലമായ സംഘാടക സമിതി രൂപീകരിക്കുന്നതിന് മുന്നോടിയായി പി ടി എ എക്സിക്യൂട്ടീവ് യോഗം ഇന്ന് വെള്ളിയാഴ്ച ( 20 - 10 - 2023 ) വൈകീട്ട് 3 മണിക്ക് ചേരുമെന്ന് സ്കൂൾ ഹെഡ്മാസ്റ്റർ ഷാജി എൻ ബാലറാം അറിയിച്ചു.

നാടൻ പാട്ട്, കവിതാ രചന, കഥാ രചന , അഭിനയം തുടങ്ങി 7 ഇനങ്ങളിലാണ് മത്സരം.

ഇസ്ലാഹുൽ മദ്രസ, പുതിയ വായനശാല , പഴയ വായനശാല എന്നിവിടങ്ങൾ വേദിയാക്കാനാണ് ഉദ്ദേശിക്കുന്നത്.

പി ടി എ എക്സിക്യൂട്ടീവ് യോഗത്തിൽ വിദ്യാരംഗം കൺവീനർ പങ്കെടുക്കും.

ഈ യോഗത്തിൽ പ്രോഗ്രാം , വേദി തുടങ്ങിയ കാര്യങ്ങളിൽ ഏകദേശം തീരുമാനമാകും. 

ഇതാദ്യമായി ഉപജില്ല സർഗോത്സവം എതിരേൽക്കാനുള്ള അവസരത്തെ  ഉത്സവമാക്കി മാറ്റാനാണ് സ്കൂൾ പി ടി എ യുടെ തീരുമാനം.