അത്തോളിയിൽ വയോധികൻ മരിച്ച നിലയിൽ;

മരിച്ചത് തിരുവങ്ങൂർ പകൽ വീട് അന്തേവാസി

അത്തോളി : ടൗണിന് സമീപം 

കുറ്റിക്കാട്ടിൽ വയോധികൻ മരിച്ച നിലയിൽ കണ്ടെത്തി.

തിരുവങ്ങൂർ പകൽ വീട് അന്തേവാസിയും കാപ്പാട് കാക്കച്ചിക്കണ്ടി ദാറുൽ നഹീസ് വീട്ടിൽ അലവിയാണ് (74) മരിച്ചതെന്ന് ബന്ധുക്കൾ തിരിച്ചറിഞ്ഞു.

വൈകീട്ട് 6 മണിയോടെ പരിസരവാസികൾ രൂക്ഷ ഗന്ധം അനുഭവപ്പെട്ടതിനെ തുടർന്ന് സമിപത്തെ കുറ്റിക്കാട്ടിൽ അജ്ഞാത മൃതദേഹം കണ്ടെത്തുകയായിരുന്നു.

പ്രദേശ വാസികൾ പോലിസിൽ വിവരം അറിയിച്ചു. പേരാമ്പ്ര ഡി വൈ എസ് പി . എൻ

 സുനിൽ കുമാർ, അത്തോളി പോലീസ് ഇൻസ്പെക്ടർ കെ പ്രേംകുമാർ, എസ് ഐ എം സി മുഹമ്മദലി എന്നിവരുടെ നേതൃത്വത്തിൽ പ്രാഥമിക പരിശോധന നടത്തി. 

രാവിലെ ഇൻക്വസ്റ്റ് നടപടിക്ക് ശേഷം കോഴിക്കോട് മെഡിക്കൽ കോളേജ് ആശുപത്രിയിൽ പോസ്റ്റ് മോർട്ടത്തിനായി മാറ്റുമെന്ന്

അത്തോളി പോലിസ് അറിയിച്ചു.

ഒരാഴ്ചയായി അലവിയെ കാണാനില്ലന്ന് സമൂഹ മാധ്യമത്തിൽ പ്രചരിപ്പിച്ചിരുന്നു.