തെരുവ് വിളക്ക് തെളിഞ്ഞില്ല :വാർഡ് മെമ്പറുടെ പ്രതിഷേധം ; കെ എസ് ഇ ബി യുടെ  'കണ്ണ് തുറപ്പിച്ചു'

ആവണി എ എസ്

Exclusive Report :

അത്തോളി :തെരുവ് വിളക്ക് കത്താത്തതിനെ തുടർന്ന് ഗ്രാമ പഞ്ചായത്ത് ഒന്നാം വാർഡ് മെമ്പറുടെ പ്രതിഷേധത്തെ തുടർന്ന് അത്തോളി കെ എസ് ഇ ബി യുടെ 

'കണ്ണ് തുറപ്പിച്ചു''. 

കൂമുള്ളി വായനശാല - പുത്തഞ്ചേരി റോഡ് തെരുവ് വിളക്ക് ഒരു മാസമായി കത്തുന്നില്ലന്ന് പരാതി ഉയർന്നിരുന്നു. 

വാർഡ് മെമ്പർ ബൈജു കുമുളളിയുടെ കുത്തിയിരിപ്പ് പ്രതിഷേധത്തെ തുടർന്ന് കെ എസ് ഇ ബി ജീവനക്കാരെത്തി

പരിഹരിച്ചു. 

തെരുവ് വിളക്ക് കത്തുന്നില്ലന്ന് നാട്ടുകാർ അറിയിച്ചതിനെ തുടർന്നാണ് എറണാകുളത്ത് ചികിത്സയിലായിരുന്ന വാർഡ് മെമ്പർ ബൈജു,

 കെ എസ് ഇ ബി അധികൃതരെ ഫോൺ വഴി ബന്ധപ്പെട്ടത്.എന്നാൽ രണ്ട് ദിവസം കാത്തിരിന്നിട്ടും 

പരിഹാരം ഉണ്ടായില്ല . തുടർന്നാണ് ചികിത്സ കഴിഞ്ഞ് വീട്ടിലെത്തിയ മെമ്പർ ബുധനാഴ്ച വൈകീട്ട് 6.20 ഓടെ വേളൂർ കെ എസ് ഇ ബി ഓഫീസിൽ എത്തി കുത്തിയിരിപ്പ് പ്രതിഷേധം നടത്തിയത്.

"നാട്ടുകാരുടെ പ്രതിഷേധം ശക്തമാകും എന്ന് മുൻ കൂട്ടി കണ്ടാണ് ചികിത്സക്കിടയിലും വിഷയത്തിലും ഇഷ്ടപ്പെട്ടത്, ആശുപത്രിയിൽ നിന്നാണ് വിളിക്കുന്നത് എന്ന് പറഞ്ഞിട്ടും 

കെ എസ് ഇ ബി കാര്യമാക്കിയില്ല. ഈ സാഹചര്യത്തിലാണ് തെരുവ് വിളക്ക് കത്തും വരെ പ്രതിഷേധിച്ചത്"- ബൈജു കൂമുള്ളി അത്തോളി ന്യൂസിനോട് പറഞ്ഞു.

രാത്രി 7.30 ഓടെ കൂമുള്ളി വായനശാല പ്രദേശത്തെ തെരുവ് വിളക്കുകൾ തെളിഞ്ഞു.