അത്തോളി പഞ്ചായത്ത് കർഷക ദിനാഘോഷം:കർഷക അവാർഡുകൾക്കുള്ള അപേക്ഷ ക്ഷണിച്ചു

അത്തോളി : ഗ്രാമപഞ്ചായത്ത് കൃഷിഭവൻന്റെ നേതൃത്വത്തിൽ 2025 -26 വർഷത്തിൽ കർഷക ദിനാഘോഷം സംഘടിപ്പിക്കുന്നു.

കർഷക ദിനത്തിന്റെ ഭാഗമായി പഞ്ചായത്ത് തല കർഷക അവാർഡുകൾക്കുള്ള അപേക്ഷ ക്ഷണിച്ചു.

അത്തോളി ഗ്രാമപഞ്ചായത്തിൽ സ്വന്തമായോ പാട്ടത്തിനോ (ഹ്രസ്വകാല വിളകൾക്ക് ) കൃഷിചെയ്യുന്ന താഴെ പറയുന്ന 12 വിഭാഗത്തിൽ വരുന്ന കർഷകർക്ക് നിശ്ചിത അപേക്ഷ ഫോറത്തിൽ അപേക്ഷ സമർപ്പിക്കാം. 

മികച്ച കർഷകരെ അറിയുന്നവർക്ക് അവരുടെ അനുവാദത്തോടെ ശുപാർശ ചെയുകയും ചെയ്യാം

കാർഷിക പ്രവർത്തനം നല്ല രീതിയിൽ ചെയ്തു വരുന്ന സ്കൂളിനെയും ഈ വർഷം ആദരിക്കും.

കരർഷകദിനത്തോട് അനുബന്ധിച്ച് വിളംബര ജാഥയും, ക്ലാസും , മിനി സ്റ്റാളുകളും ഒരുക്കും.

കർഷക അവാർഡുകൾക്കുള്ള വിവിധ വിഭാഗങ്ങൾ താഴെ പറയുന്നു.

1. മികച്ച നെൽ കർഷകൻ

(നെൽകൃഷിയിൽ മികച്ച പ്രവർത്തനം    :

കാഴ്ച വെച്ച കർഷകൻ

2. മികച്ച SC/STകർഷക/ കർഷകൻ (മികച്ച രീതിയിൽ

കാർഷികപ്രവർത്തനങ്ങളിൽ ഏർപ്പെട്ട

SC/STസമുദായത്തിൽ ഉൾപ്പെട്ട കർഷകൻ/കർഷക) :

3. മികച്ച ക്ഷീര കർഷകൻ(പശു പരിപാലനത്തിൽ

 മികച്ച പ്രവർത്തനം ചെയ്ത കർഷകൻ)  :

4. മികച്ച കർഷക തൊഴിലാളി (കർഷക തൊഴിലാളി

 യായി മികച്ച സേവനം കാഴ്ച വെച്ച വ്യക്തി)  :

5. മികച്ച പച്ചക്കറി കർഷക/ കർഷകൻ (മികച്ച രീതിയിൽ

  പച്ചക്കറികൃഷി ചെയ്യുന്ന കർഷകൻ/കർഷക) :

6. മികച്ച യുവ കർഷകൻ / കർഷക( 35 വയസ്സിൽ താഴെയുള്ള :

കാർഷിക മേഖലയിൽ വ്യാപൃതനായ വ്യക്തി)

7. മികച്ച കർഷക വിദ്യാർത്ഥി (15വയസ്സിൽ താഴെയുള്ള :

   സ്കൂൾ വിദ്യാർത്ഥി)

8. മികച്ച കേര കർഷകൻ (മികച്ച രീതിയിൽ തെങ്ങു

        കൃഷിയിൽ വ്യാപൃതനായിരിക്കുന്ന കർഷകൻ/കർഷക):

9. മികച്ച മത്സ്യ കർഷകൻ(ഉൾനാടൻ മൽസ്യ കൃഷിയിൽ വ്യാപൃതനായവർ അലങ്കാര മൽസ്യ കൃഷിയും ഉൾപ്പെടും):

10. മികച്ച കൃഷിക്കൂട്ടം (മികച്ച കാർഷികപ്രവർത്തനങ്ങളിൽ :

 ഏർപ്പെട്ട ഗ്രൂപ്പ്)

11. മികച്ച വനിത: കർഷക(കാർഷിക മേഖലയിൽ മികച്ച 

രീതിയിൽ പ്രവർത്തിക്കുന്ന വനിത)

12. മികച്ച സമ്മിശ്ര / ജൈവ കർഷക/ കർഷകൻ (മികച്ച രീതിയിൽ

 സംയോജിത കൃഷി അല്ലെങ്കിൽ ജൈവ കൃഷി

 ചെയ്യുന്ന കർഷക /കർഷകൻ)

  13.മികച്ച സ്കൂൾ(കാർഷിക പ്രവർത്തനങ്ങൾ   :

നടത്തുന്ന മികച്ച സ്കൂൾ)

മുൻ വർഷങ്ങളിൽ (2022,2023,2024) അവാർഡ് ലഭിചിട്ടുണ്ടെങ്കിൽ വീണ്ടും അപേക്ഷ നൽകേണ്ടതില്ല.                                                             ആഗസ്റ്റ് 2 മുതൽ 10 ന് വൈകീട്ട് 5 വരെ കൃഷി ഭവനിൽ നേരിട്ട് അപേക്ഷകൾ നൽകാം. അപേക്ഷ പൂരിപ്പിച്ചു atholikbkzd@gmail.com എന്ന വിലാസത്തിലും അയക്കാവുന്നതാണ്. 

അത്തോളി ഗ്രാമപഞ്ചായത്തിലെ അർഹരായവരിലേക്കു ഈ വിവരം എത്തിക്കണമെന്ന്

കർഷക ദിനം സ്വാഗത സംഘം ചെയർപേഴ്സണും

അത്തോളി ഗ്രാമ പഞ്ചായത്ത് പ്രസിഡൻ്റുമായ ബിന്ദു രാജനും

കർഷക ദിനം

സ്വാഗത സംഘം കൺവീനറും

കൃഷി ഓഫീസറുമായ 

ജേക്കബ് ഷെമോൺ

ഔദ്യോഗിക കുറിപ്പിൽ അറിയിച്ചു.