അത്തോളി കുനിയിൽ തെരു ശ്രീ മഹാഗണപതി - ഭഗവതി ക്ഷേത്രോൽസവത്തിന്

കൊടിയേറി ; ഉത്സവം മാർച്ച് 2 ന് 

അത്തോളി :കുനിയിൽ തെരു ശ്രീ മഹാഗണപതി - ഭഗവതി ക്ഷേത്രോൽസവത്തിന്

കൊടിയേറി.മൂത്ത ചെട്ട്യാൻ കെ കെ നാരായണൻ്റെ നേതൃത്വത്തിൽ കൊടി ഉയർത്തി. ശാന്തി കെ വി

അനിൽ കുമാറിന്റെ കാർമ്മികത്വത്തിലായിരുന്നു ചടങ്ങ്.

ക്ഷേത്ര ഭരണ സമിതി പ്രസിഡണ്ട് പി പ്രദീപ് കുമാർ, സെക്രട്ടറി കെ കെ ബാലൻ , ആഘോഷ കമ്മിറ്റി പ്രസിഡണ്ട് എ സി വിശ്വനാഥൻ , സെക്രട്ടറി ടി എസ് ബിജുമോൻ , ട്രഷറർ സൂര്യ ഷൈജീഷ് എന്നിവർ നേതൃത്വം നൽകി.28 ന് കലവറ നിറയ്ക്കൽ രാവിലെ 8.30 മുതൽ.മാർച്ച് 2 ന് പ്രധാന ഉത്സവം . പുലർച്ചെ 5 ന് പള്ളിയുണർത്തൽ , 6 ന് മേൽശാന്തി പുതിയേടത്ത് ഇല്ലം മധു നമ്പൂതിരിയുടെ നേതൃത്വത്തിൽ അഷ്ടദ്രവ്യ ഗണപതി ഹോമം. 7 ന് കുലമുറിക്കൽ, 9ന് കുനിയിൽ തെരു ഭഗവതി ക്ഷേത്രത്തിൽ നിന്നും ഇളനീർ വെപ്പ് , ഉച്ചക്ക് 1 ന് പ്രസാദ ഊട്ട് , വൈകീട്ട് 3.30 ന് ശിവേലി എഴുന്നള്ളിപ്പ് , 6 ന് ഭഗവതി ക്ഷേത്രത്തിൽ നിന്നും പുറപ്പെട്ട് ഗണപതി ക്ഷേത്രത്തിൽ എത്തിച്ചേരുന്ന ദീപാരാധന, രാത്രി 8 ന് കുനിയിൽ കടവ് ജംഗ്ഷൻ നവരസ ആർട്സ് അക്കാദമി അവതരിപ്പിക്കുന്ന നൃത്തനൃത്യങ്ങൾ, 9 ന് ബാലുശ്ശേരി പൊന്നരം ചന്ദ്രനും സംഘവും അവതരിപ്പിക്കുന്ന തായമ്പക. രാത്രി 9.30 ന് എസ് ആർ ഓർക്കസ്ട്ര അവതരിപ്പിക്കുന്ന ഗാനമേള .

രണ്ടാം ദിനം 3 ന് പുലർച്ചെ 3 ന് വില്ലെഴുന്നള്ളിപ്പ് , 6 ന് ഇളനീരാട്ടം . വൈകീട്ട് 7 ന് ഗുരുതി തർപ്പണത്തോടെ ഉത്സവം സമാപിക്കും.