കോൺഗ്രസ്സ് നേതാവിന്റെ 

വീടിന് നേരെ സ്ഫോടക വസ്തു എറിഞ്ഞ കേസ്: മൂന്ന് പ്രതികളെ വെറുതെ വിട്ടു

സ്വന്തം ലേഖകൻ

ഉള്ളിയേരി :കോൺഗ്രസ്സ്  നേതാവ് കെ കെ സുരേഷിൻ്റെ ( സുരേഷ് ഉള്ളിയേരി )വീടിന് നേരെ ഉണ്ടായ സ്ഫോടക വസ്തു എറിഞ്ഞ കേസിൽ

മൂന്ന് പ്രതികളെയും കോഴിക്കോട് സെഷൻസ് കോടതി വെറുതെ വിട്ടു.

കേസിൽ പ്രതികളായിരുന്ന

സി പി എം ബ്രാഞ്ച് സെക്രട്ടറി അനിൽ കുമാർ കായപ്പറ്റ , 

ഡി വൈ എഫ് ഐ നേതാക്കളായ രജിൻ  കാഞ്ഞിരമുളളതിൽ ,

ബാബു കൈപെൻ കുഴിയിൽ എന്നിവരെയാണ് 

7 വർഷത്തെ നിയമ പോരാട്ടത്തിനൊടുവിൽ തെളിവുകളില്ലെന്ന കാരണത്താൽ കോടതി കുറ്റ വിമുക്തരാക്കിയത്.

2017 മാർച്ച് 14 നായിരുന്നു കേസിനാസ്പദമായ സംഭവം. 14ന് രാത്രി 11 ഓടെ മോട്ടോർ ബൈക്കിൽ എത്തിയ അഞ്ജാതർ ഉള്ളിയേരി പെട്രോൾ പമ്പിന് സമീപം സുരേഷിന്റെ ' തുളസി വീടിന് നേരെ ഏതോ സ്ഫോടക വസ്തു എറിഞ്ഞ് കടന്നു കളഞ്ഞു എന്നാണ് കേസ് . 

എറിഞ്ഞ സ്ഫോടക വസ്തു ഭിത്തിയിൽ തട്ടി നാശ നഷ്ടം ഉണ്ടായെന്നും ഭീതി പരത്തിയെന്നുമാണ് പരാതി. 

15 ന് പുലർച്ചെ സുരേഷ് അത്തോളി പോലീസ് സ്റ്റേഷനിൽ പരാതി നൽകി. ക്രൈം നമ്പർ 239 / 2017 പ്രകാരം കേസെടുത്ത് അന്വേഷണം ആരംഭിച്ചു. അതിനിടെ സംഭവം നടന്ന പിറ്റേ ദിവസം ഉള്ളിയേരിയിൽ ഹർത്താൽ ആചാരിച്ചു.

ഒരാഴ്ചക്കുളളിൽ 3 പേരെ അറസ്റ്റ് ചെയ്തു. പ്രതികൾ റിമാൻ്റിലായി . സി പി എം ബ്രാഞ്ച് സെക്രട്ടറി അനിൽ കുമാർ കായപ്പറ്റ , 

ഡി വൈ എഫ് ഐ നേതാക്കളായ രജിൻ  കാഞ്ഞിരമുളളതിൽ ,

ബാബു കൈപെൻ കുഴിയിൽ എന്നിവർക്കെതിരെയാണ് കേസെടുത്തത്. 

90 ദിവസത്തിനുള്ളിൽ പോലീസ് കുറ്റപത്രം നൽകി. ഇന്ന് രാവിലെയാണ്

 കോഴിക്കോട് ജില്ലാ സെഷൻസ് നമ്പർ 5 കോടതിയാണ് വിധി 

പുറപ്പെടുപ്പിച്ചത് .

പബ്ലിക് പ്രോസിക്ക്യൂട്ടറിന് വേണ്ടി ശ്രീജയും പ്രതിഭാഗത്തിന് വേണ്ടി അഡ്വ ജോജു സിറിയക്ക് ഹാജരായി. കെ കെ സുരേഷ് നിലവിൽ ഉള്ളിയേരി മണ്ഡലം കോൺഗ്രസ്‌ പ്രസിഡന്റ് ആണ്