അത്തോളി തോരായി കടവ് പാലം പ്രവര്‍ത്തി ഉദ്ഘാടനം 31ന് 

അത്തോളി :കൊയിലാണ്ടി നിയോജക മണ്ഡലത്തെ ബാലുശ്ശേരി മണ്ഡലത്തെയും ബന്ധിപ്പിക്കുന്ന അത്തോളി തോരായി കടവ് പാലത്തിന്റെ പ്രവര്‍ത്തി ഉദ്ഘാടനം 2023 ജൂലൈ 31 ന് വൈകീട്ട് 3 മണിക്ക് ബഹു.പൊതുമരാമത്ത് - ടൂറിസം വകുപ്പ് മന്ത്രി പി.എ മുഹമദ് റിയാസ് നിര്‍വ്വഹിക്കും.

23.82 കോടി രൂപയുടെ കിഫ്‌ബി ധനസഹായത്തോടെ

കേരള പൊതുമരാമത്ത് വകുപ്പ് കെ ആർ എഫ് ബി -പി എം ആർ മുഖാന്തിരമാണ് പ്രവര്‍ത്തി നടത്തുന്നത്.

265 മീറ്റർ നീളത്തിലും 11 മീറ്റർ വീതിയിലും ആണ് പാലം നിർമ്മിക്കുക.

പാലത്തിന്റെ നടുക്ക് ജലയാനങ്ങൾക്ക് കടന്നുപോകാൻ 55 മീറ്റർ നീളത്തിലും, ഏറ്റവും ഉയരമേറിയ ജലവിതാനത്തിൽ നിന്നും 6 മീറ്റർ ഉയരത്തിലുമായി ബൗസ്റ്ററിങ് അർച്ച് രൂപത്തിലാണ് രൂപകൽപന.

18 മാസമാണ് പാലത്തിന്റെ നിർമ്മാണ കാലയളവ്.

മഞ്ചേരി ആസ്ഥാനമായുള്ള പി എം ആർ കൺസ്ട്രക്ഷൻ കമ്പനിക്കാണ് നിർമ്മാണ കരാർ നൽകിയിട്ടുള്ളത്.2024 അഗസ്റ്റിൽ പാലം നാടിന് സമർപ്പിക്കും. പ്രദേശവാസികളുടെ ദീർഘ നാളത്തെ സ്വപ്നം ഇതോടെ യഥാർഥ്യമാകും.