എലത്തൂരിൽ ബസും ടിപ്പർ ലോറിയും കൂടിയിടിച്ചു : 75 ഓളം പേർക്ക് പരിക്ക് ;രണ്ട് പേർക്ക് ഗുരുതരം ഇരു വാഹനങ്ങളും തത്സമയം കുത്തനെ മറിഞ്ഞു 

എ എസ് ആവണി

കോഴിക്കോട് : ദേശീയ പാതയിൽ എലത്തൂർ കോരപ്പുഴ പാലത്തിന് സമീപം സ്വകാര്യ ബസും ടിപ്പർ ലോറിയും കൂട്ടിയിടിച്ച് അപകടം .75 ഓളം പേർക്ക് പരിക്ക് . ആദ്യം ബീച്ച് ആശുപത്രിയിലും കൂടുതൽ പരിക്കുള്ളവരെ മെഡിക്കൽ കോളേജ് ആശുപത്രിയിലും പ്രവേശിപ്പിച്ചു . 

രണ്ട് പരിക്ക് ഗുരുതരമാണ്.

ഇവർ ഉൾപ്പെടെ 58 പേർ ( 21 പുരുഷന്മാരും 37 സ്ത്രീകളും ) . മേത്രയിൽ 5 ഉം , ബീച്ച് ആശപത്രിയിൽ 11 ഉം നാഷണൽ ഹോസ്പിറ്റലിൽ 1 ഉം പേരെ പ്രവേശിപ്പിച്ചതായി പോലീസ് അറിയിച്ചു. രണ്ട് പേരുടെ വാരിയെല്ല് പൊട്ടി ഗുരുതരാവസ്ഥയിലാണ്.

പരിക്കേറ്റവരിൽ വനിത പോലീസും ഉൾപ്പെടും( വൃന്ദ -പിങ്ക് പെട്രോൾ )

ഇന്ന് രാവിലെ 8 ഓടെ കോരപ്പുഴ ഹിന്ദുസ്ഥാൻ പെട്രോളിയം ഡിപ്പോയ്ക്കും പമ്പിനും സമീപത്തായാണ് അപകടം ഉണ്ടായത്.

തലശ്ശേരി - കോഴിക്കോട് റൂട്ടിൽ ഓടുന്ന കണിക ബസും കോഴിക്കോട് നിന്നും കൊയിലാണ്ടിക്ക് പോകുന്ന ട്രിപ്പർ ലോറിയുമാണ് അപകടത്തിൽപ്പെട്ടത്.

അമിത വേഗതയിലായിരുന്നു 

ഇരു വാഹനങ്ങളും . ബസ് ,മുൻപിലുണ്ടായിരുന്ന വാഹനത്തെ മറി കടക്കുമ്പോൾ എതിരെ വന്ന ടിപ്പർ കൂട്ടിയിടിക്കുകയായിരുന്നു.  

ഇടിയുടെ ആഘാതത്തിൽ ലോറി സമീപത്തെ മതിലിൽ ഇടിച്ചു കയറി.

 "ആ സമയത്ത് ചാറ്റൽ മഴയുണ്ടായിരുന്നു . 10 മിനിറ്റിനകമാണ് സ്ഥലത്ത് എത്തിയത് , എങ്ങിനെ സംഭവിച്ചു എന്ന് ആദ്യം വ്യക്തമായില്ല. അപ്പോഴേക്കും പരിക്കേറ്റവരെ നാട്ടുകാർ ചേർന്ന് ആശുപത്രിയിലേക്ക് കൊണ്ടുപോയി. അപകടം സമീപത്തുള്ള പെട്രോൾ പമ്പിനടുത്തോ എച്ച് പി സി ഡിപ്പോയ്ക്കടുത്തോ ആ വാതിരുന്നതും വലിയ അപകടം ഒഴിവായിയെന്ന് പൊതുപ്രവർത്തകനായ 

വി ടി ഇക്ബാൽ അത്തോളി ന്യൂസ് നോട് പറഞ്ഞു.

രണ്ട് വാഹനങ്ങളും സ്ഥലത്ത് നിന്നും റോഡ് വശത്തേയ്ക്ക് മാറ്റി വാഹനങ്ങൾ

ഒന്നര മണിക്കൂർ നേരം ഗതാഗതക്കുരുക്കിൽപ്പെട്ടു. 

പോലീസ് , ഫയർ ഫോഴ്സ്, സന്നദ്ധ പ്രവർത്തകർ ചേർന്ന് ഗതാഗതം പുനഃസ്ഥാപിച്ചു. രണ്ട് വാഹനങ്ങളിൽ നിന്നും റോഡിലേക്ക് ഒഴുകിയ ഇന്ധനം ഫയർ റസ്ക്യൂ സേന വൃത്തിയാക്കി.