അതിശക്തമായ കാറ്റ്:

കാപ്പാട് തീരത്തെ കാറ്റാടി മരങ്ങൾകടപുഴകി ; 

ലൈഫ് ഗാർഡുകൾ അത്ഭുകരമായി രക്ഷപ്പെട്ടു

കാപ്പാട് : വിനോദ സഞ്ചാര കേന്ദ്രമായ കാപ്പാട് അതിശക്തമായ കാറ്റ്  വീശിയടിച്ചതിനെ തുടർന്ന് 9 കാറ്റാടി മരങ്ങൾ കടപുഴകി. വാസ്കോ ഡ ഗാമ റിസോർട്ടിന് സമീപം ഉണ്ടായിരുന്ന രണ്ട് തട്ട് കടകളിൽ ഒരെണ്ണം പൂർണ്ണമായി തകർന്നു. 6 ഇലക്ട്രിക് പോസ്റ്റുകൾ മുറിഞ്ഞ് വീണു . ജോലിയിൽ ഉണ്ടായിരുന്ന 4 ലൈഫ് ഗാർഡുകൾ അടക്കം 8 പേർ അത്ഭുതകരമായി രക്ഷപ്പെട്ടു.

ഇന്ന് രാവിലെ 10.30 ഓടെ വീശിയടിച്ച കാറ്റാണ് ദുരന്തം വിതച്ചത്.

ലൈഫ് ഗാർഡുകൾ വിശ്രമിക്കുന്ന പഴയ കെട്ടിടത്തിൻ്റെ ശുചി മുറിയിലേക്ക് തെങ്ങ് കടപുഴകി വീണു. 

ഭാഗ്യം കൊണ്ടാണ് ഇവർ രക്ഷപ്പെട്ടത്. ലൈഫ് ഗാർഡുമാരായ കെ അനീഷ് , ടി ഷിജിൽ , അമൽ ജിത്ത് , ക്ലീനിംഗ് സ്റ്റാഫ് എം കെ രഞ്ജിത്ത് , സെക്യൂരിറ്റി സോമനാഥ് എന്നിവർ കെട്ടിടത്തിനകത്തും പുറത്തുമായി ഉണ്ടായിരുന്നു. ഇവരുടെ ബൈക്കുകൾക്ക് സമീപമായാണ് കാറ്റാടി മരങ്ങൾ കടപുഴകിയത്. വൈദ്യൂതി വകുപ്പ് ജീവനക്കാർ സ്ഥലത്ത് എത്തി പരിശോധന നടത്തി. വിവരം അറിഞ്ഞ് കൊയിലാണ്ടി പോലീസും ഫയർ ഫോഴ്‌സും സ്ഥലത്തെത്തി.