അത്തോളിയിലും വൻ വിലക്കുറവിൽ

സവാള ന്യായവില പോയിന്റ്, കേന്ദ്ര സർക്കാർ നാഫെഡ് പദ്ധതി ശ്രദ്ധേയം

അത്തോളി: ഒരു കിലോ വലിയ ഉള്ളിയ്ക്ക് വില 25 രൂപ . വിവരം അറിഞ്ഞ് കൂടുതൽ ആവശ്യക്കാർ എത്തി.

4 കിലോ വിതരണം ചെയ്ത വലിയ ഉള്ളി ഇന്ന് മുതൽ വിതരണം 2 കിലോയിൽ പരിമിതപ്പെടുത്തി. സവാളയ്ക്ക് പിന്നാലെ കൂടുതൽ ഉൽപ്പന്നങ്ങൾ കാത്തിരിക്കുകയാണ് ഉപഭോക്താക്കൾ .

മറ്റ് പച്ചക്കറികളും മിതമായ നിരക്കിൽ ഔട്ട്‌ ലെറ്റിൽ ലഭ്യമാണ്.

അത്തോളി കുനിയിൽ ക്കടവ് റോഡ് ജംഗ്ഷനിലാണ് ഔട്ട്ലെറ്റ് .

കേന്ദ്ര സർക്കാർ നാഫെഡ് പദ്ധതിയിലൂടെ പന്തലായനി അഗ്രോ ഫെഡ് ഫാർമേർസ് പ്രൊഡ്യൂസർ കമ്പിനിയാണ് അത്തോളി, ചേമഞ്ചേരി , ചെങ്ങോട്ട്ക്കാവ് , അരിക്കുളം എന്നീ പഞ്ചായത്ത്കളിൽ സവാള ന്യായവില പോയിന്റ് ഔട്ട് ലെറ്റിൽ വിലക്കുറവിൽ സവാള വിതരണം ആരംഭിച്ചത് . മഹാരാഷ്ട്ര നാസിക്കിൽ നിന്നും ഇറക്കുമതി ചെയ്ത ഗ്രെയിഡഡ് സവാള ആദ്യ ഘട്ടം 5 ടൺ എത്തിച്ചു. ഇനി 5 ചാക്ക് ബാക്കി . 5 പഞ്ചായത്തിൽ 17 ഫാർമർ ഇന്റസ്റ്റ് ഗ്രൂപ്പ് (എഫ് ഐ ജി ) വഴിയാണ് സവാള വിതരണം.

അടുത്ത പദ്ധതിയിൽ ആട്ടയും കടലപരിപ്പും വിലക്കുറവിൽ എത്തിക്കാനാണ്

പാഫ്കോയുടെ തീരുമാനം.

അത്തോളി ഔട്ട് ലെറ്റ് ഗ്രാമ പഞ്ചായത്ത് വൈസ് പ്രസിഡന്റ് സി കെ റിജേഷ് ഉദ്ഘാടനം ചെയ്തു. പഞ്ചായത്ത് അംഗം ബൈജു കുമുള്ളി , ഡയറക്ടർ വി പ്രശാന്തൻ,ആർ എം കുമാരൻ തുടങ്ങിയവർ പങ്കെടുത്തു.

അരിക്കുളം, ചെങ്ങോട്ട് ക്കാവ് (ചേലിയ) എന്നിവിടങ്ങളിൽ പാഫ് കോ ചെയർമാൻ എം ഉല്ലാസും ചേമഞ്ചേരിയിൽ (പൂക്കാട് ) കമ്പിനി പ്രൊമോട്ടർ സി ടി ശിവദാസനും ഉദ്ഘാടനം ചെയ്തു.

സാധാരണക്കാരുടെ പിന്തുണ ന്യായവില സവാള പോയിന്റിലൂടെ ലഭിച്ചു. കൂടുതൽ പച്ചക്കറി - പല വ്യഞ്ജനങ്ങളും എത്തിക്കാനുള്ള നടപടികൾ സ്വീകരിക്കുമെന്ന് പാഫ് കോ ചെയർമാൻ എം ഉല്ലാസ് അത്തോളി ന്യൂസിനോട് പറഞ്ഞു.