എട്ടു വയസ്സുകാരിയെ ലൈംഗികമായി ഉപദ്രവിച്ച

അത്തോളി സ്വദേശിക്ക് കഠിന തടവ് ശിക്ഷ 

അത്തോളി :എട്ടു വയസ്സുകാരിയെ ലൈംഗികമായി ഉപദ്രവിച്ച പ്രതിക്ക് 5 വർഷം കഠിന തടവും നാൽപതിനായിരം രൂപ പിഴയും ശിക്ഷ.മൊടക്കല്ലൂർ വെണ്മണിയിൽ വീട്ടിൽ ലിനീഷ് (43)നാണ് കൊയിലാണ്ടി ഫാസ്റ്റ് ട്രാക്ക് സ്‌പെഷ്യൽ കോടതി ജഡ്ജ് കെ നൗഷാദലി പോക്സോ നിയമ പ്രകാരം ശിക്ഷ വിധിച്ചത്. 2021 ൽ ആണ് കേസിനാസ്പദമായ സംഭവം.

പെൺകുട്ടിയുടെ വീട്ടിൽ വെച്ച് പ്രതി ലൈംഗികമായി ഉപദ്രവിക്കുകയായിരുന്നു, പിന്നീട് പെൺകുട്ടി ഒരു ബന്ധുവിനോട് വിവരം പറയുകയും അവർ കുട്ടിയുടെ അമ്മയെ വിവരം അറിയിക്കുകയും ചെയ്തു.തുടർന്ന് അത്തോളി പോലീസിൽ പരാതി നൽകി . പോലീസ് രജിസ്റ്റർ ചെയ്ത കേസ് സബ്ബ്‌ ഇൻസ്‌പെക്ടർ പി കെ ജിതേഷ് ആണ് അന്വേഷിച്ചത്. പ്രോസിക്ക്യുഷനു വേണ്ടി അഡ്വ പി ജെതിൻ ഹാജരായി.