കൊളത്തൂർ സ്വാമി ഗുരുവരാനന്ദ സ്കൂളിൽ 

ഊരൊളിയുടെ നിറവിൽ വായനാവാരാചരണം  

അത്തോളി :കൊളത്തൂർ സ്വാമി ഗുരുവരാനന്ദ മെമ്മോറിയൽ ഗവൺമെന്റ് ഹയർ സെക്കൻഡറി സ്കൂൾ അൻപതാം വാർഷികാഘോഷം- ഊരൊളി - യുടെ നിറവിൽ വിദ്യാർത്ഥികൾക്കായി കഥാരചന,കവിതാ പാരായണം,സാഹിത്യ ക്വിസ് തുടങ്ങി വിവിധ പരിപാടികളോടെ വായനാവാചരണത്തിന് തുടക്കമിട്ടു.

മലയാള കൂട്ടവും എൻഎസ്എസ് യൂണിറ്റും സംയുക്തമായി സംഘടിപ്പിച്ച പരിപാടിയുടെ ഉദ്ഘാടനം കവിയും നാടക പ്രവർത്തകനും അധ്യാപകനുമായ ആർ ഷിജു നിർവഹിച്ചു. നിഹാര ആർ എസ് അധ്യക്ഷത വഹിച്ച ചടങ്ങിൽ പ്രിൻസിപ്പൽ സിബി ജോസഫ്, ഹെഡ്മിസ്ട്രസ് ഷീല ടി, പിടിഎ പ്രസിഡന്റ് നാസർ പി കെ, സ്റ്റാഫ് സെക്രട്ടറി അനിൽകുമാർ കെ പി, എൻഎസ്എസ് പ്രോഗ്രാം ഓഫീസർ ജിത കെ, മലയാള കൂട്ടം കോഡിനേറ്റർ കെ ഷിജിൻ, വിദ്യാർത്ഥികളായ ശ്രീഷ്ണ, ജനീൻ, മാളവിക എന്നിവർ സംസാരിച്ചു.