ഫോണും നെറ്റുമില്ല ; ജിയോ കണക്ഷൻ 

മണിക്കൂറുകൾ നിശ്ചലം ; ആശങ്കയിൽ 

ഉപഭോക്താക്കൾ

ആവണി എ എസ്

കോഴിക്കോട് : ജിയോ കണക്ഷൻ ഉപഭോക്താക്കൾക്ക്

ഫോൺ വിളിക്കാനോ ഇൻ്റർ നെറ്റ് സൗകര്യമോ ഇല്ലാത്ത അവസ്ഥയിലാത് ആശങ്ക പരത്തി.

ഫോൺ വിളിച്ച് കിട്ടാത്തവർ കാര്യം അന്വേഷിച്ച് മൊബൈൽ ഫോൺ കടയിലേക്ക് ഓടിഎത്തി. തങ്ങളുടെ

ഫോണിന് എന്തെങ്കിലും തകരാർ സംഭവിച്ചോ എന്നായി ആദ്യം സംശയം. പലരും ഫോൺ ഓഫ് ചെയ്ത്, ഓൺ ചെയ്തു. ഫലമില്ല. എല്ലാവരും മറ്റ് ഫോൺ കൺക്ഷനിൽ വിളിക്കുമ്പോഴാണ് ജിയോ കണക്ഷൻ മാത്രമാണ് ഈ പ്രശ്നം നേരിടുന്നതെന്ന് വ്യക്തമായി. 

തിങ്കളാഴ്ച ഉച്ചക്ക് 1. 30 ഓടെയാണ് ആദ്യം നെറ്റ് വർക്കും പിന്നാലെ ഫോണും നിശ്ചലമായത്. രണ്ടര മണിക്കൂർ പിന്നിട്ടപ്പോഴാണ് നെറ്റ് വർക്ക് പുന: സ്ഥാപിച്ചത്.

മൊബൈൽ നെറ്റ് മുൻ നിര ദാതാക്കളായ ജിയോ നെറ്റ് ഈവിധം പ്രതിസന്ധി നേരിടുന്നത് ഇതാദ്യമെന്നാണ് വിവരം. അതേ സമയം നെറ്റ് വർക്ക് പുനസ്ഥാപിച്ചിട്ടും തകരാർ സംബന്ധിച്ച് ഇത് വരെ കാരണം പുറത്ത് വിട്ടിട്ടില്ല. രാത്രിയോടെ കാരണം പുറത്ത് വിടുമെന്നാണ് കരുതുന്നത്.

10 മിനിറ്റിനപ്പുറം നെറ്റ് വർക്കും ഫോണും നിശ്ചലമായാൽ ആശങ്ക പ്രകടിപ്പിക്കുന്ന ഉപഭോക്താക്കൾ 2 മണിക്കൂർ നേരം ക്ഷമയോടെ കാത്തിരുന്നതിൻ്റെ ട്രോളുകളും വന്നു തുടങ്ങി.