കൂട്ടായ്മ കരുത്തായി ', കൊങ്ങന്നൂരിൽ 

ജൈത്ര സ്വയം സഹായ സംഘം' മിനി മാർട്ട്' പ്രവർത്തനം ആരംഭിച്ചു

എ എസ് ആവണി

അത്തോളി :രാഷ്ട്രീയ- മതചിന്തകൾക്കതീതമായി പ്രവർത്തിക്കാനും 

സാമൂഹിക സേവനവും സൗഹൃദം പങ്കുവെക്കാനും രൂപീകരിച്ച കൊങ്ങന്നൂർ ജൈത്ര സ്വയം സഹായ സംഘം ഒരു പതിറ്റാണ്ടിന് ശേഷം ജൈത്ര മിനി മാർട്ടുമായി എത്തുന്നു.

ഗ്രാമ പഞ്ചായത്ത് സ്ഥിരം സമിതി അധ്യക്ഷ എ എം സരിത , വാർഡ് മെമ്പർമാരായ

പി ടി സാജിത, പി കെ ജുനൈസ് എന്നിവർ ചേർന്ന് മിനി മാർട്ട് ഉദ്ഘാടനം ചെയ്തു.

ആദ്യ വിൽപ്പന വാർഡ് മെമ്പർ പി കെ ജുനൈസ്  

നിർവഹിച്ചു . കൊങ്ങന്നൂർ മുഹമ്മദ് അബ്ദുറഹിമാൻ സ്മാരക വായനശാല പ്രസിഡന്റ് അഷറഫ് അയനം ഏറ്റുവാങ്ങി. പൊതു പ്രവർത്തകരായ ടി പി അശോകൻ , സാജിദ് കോറോത്ത് ,ഇ അനിൽ കുമാർ , കേളപ്പൻ നായർ ,

പ്രശാന്തൻ വെളുത്തേടത്ത് , കെ  ശശികുമാർ,എ ടി മുരളി , തുടങ്ങി ഒട്ടേറെ പേർ സന്നിഹിതരായി.

സ്വാതന്ത്ര്യ ദിനാഘോഷത്തിൻ്റെ ഭാഗമായി മാർട്ടിന് മുൻപിൽ വാർഡ് മെമ്പർ എ എം സരിത ദേശീയ പതാക ഉയർത്തിയതോടെയാണ് ചടങ്ങിന് തുടക്കമായത്. തുടർന്ന് പായസ വിതരണവും നടത്തി.

2012 ഫെബ്രുവരിയിൽ കൊങ്ങന്നൂരിൽ കൂട്ടായ്മയായി തുടങ്ങി പിന്നീട് ജൈത്ര സ്വയം സഹായ സംഘം രൂപീകരിക്കുകയായിരുന്നു.

പഠനത്തിൽ ഉന്നത വിജയം നേടിയവരെ ആദരിക്കുന്ന പരിപാടിയാണ് ആദ്യം നടത്തിയത് . തുടർന്ന് ഒട്ടേറെ സാമൂഹിക പ്രവർത്തനങ്ങൾക്ക് നേതൃത്വം നൽകി.10 വർഷത്തിലേറെ നടത്തിയ പൊതു രംഗത്തെ ഇടപെടലിൽ നിന്നും ലഭിച്ച ഊർജ്ജവുമായി  ഭക്ഷ്യ വസ്തുക്കളും മറ്റ് സ്റ്റേഷനറി ഉൽപ്പന്നങ്ങളും ഒരു കുടക്കീഴിൽ ലഭിക്കുന്ന മിനി മാർട്ടുമായാണ് സംഘം സജീവമാകുന്നത്.

2012 മുതൽ താമരശേരി ഐ സി ഡി സി യുടെ കീഴിൽ 19 അംഗങ്ങൾ ചേർന്ന് സംഘമായി രജിസ്റ്റർ ചെയ്ത് ജൈത്ര സ്വയം സഹായ സംഘം കെട്ടിട നിർമ്മാണത്തിനുള്ള സാമഗ്രികൾ വാടകയ്ക്ക് നൽകൽ , കല്യാണ മണ്ഡപം ഒരുക്കൽ , കലാപരിപാടികൾ നടത്തൽ , ആദരിക്കൽ എന്നിവയ്ക്കായി പ്രവർത്തിച്ചു. 

മൂന്നു വർഷം തുടർച്ചയായി ജൈത്രയുടെ നേതൃത്വത്തിലാണ് ആനപ്പാറയിൽ ഓണാഘോഷം നടത്തിയത്.

സംഘത്തിന്റെ ഭാരാവാഹികൾ :

കെ എം സുരേഷ് ( പ്രസിഡന്റ്), 

ഇ എം സുലേജ് ( സെക്രട്ടറി ),

ഒ ടി ബിജു ( ജോയിൻ്റ് സെക്രട്ടറി ) ,

കെ രാമചന്ദ്രൻ ( ട്രഷറർ ) ,

എ എം സതീഷ് കുമാർ ( വൈസ് പ്രസിഡന്റ്) എന്നിവരാണ് .

മറ്റ് അംഗങ്ങൾ : കെ ടി സക്കരിയ , എ എം ശിവദാസൻ , വി പി മുത്തുകുമാർ , 

ഒ ടി രജീഷ് , എ എം ശിശാന്ത് , എ എം വിജയൻ , 

പി കെ ബിജു , മനോഹരൻ നാറാണത്ത് , എ എം സുഭീഷ് കുമാർ ,കെ വി ചന്ദ്രൻ , വി ടി ശ്രീധീഷ് , അനീഷ് നടുക്കണ്ടി  , എസ് എം നൗഷാദ് ,

കെ കെ ബാബുരാജ് എന്നിവരാണ്.

പൊതു കാര്യങ്ങളിൽ ഇടപെടാനും സേവനം ചെയ്യാനും രാഷ്ട്രീയവും മറ്റ് ചിന്തകളും മാറ്റി നിർത്തി എല്ലാവരും ഒന്നിച്ച് നിൽക്കാൻ ഒരു വേദി വേണമെന്ന ചിന്തയിലാണ് ജൈത്ര പിറവിയെടുത്തതെന്ന് പ്രസിഡന്റ് എ എം സുരേഷും 

കൊങ്ങന്നൂരിലെ ജനങ്ങൾ ഒന്നിച്ച് നിൽക്കുന്നതോടെ ജൈത്രയുടെ സേവനങ്ങൾ കൂടുതൽ വിപുലപ്പെടുത്തുമെന്ന് സെക്രട്ടറി 

ഇ എം സുലേജും അത്തോളി ന്യൂസിനോട് പറഞ്ഞു. ഹോം ഡെലിവറി സൗകര്യവും ഒരുക്കിയിട്ടുണ്ട് ഫോൺ:8590811721, 7592910138.