സംസ്ഥാന സ്കൂൾ ഒളിമ്പിക്സിൽ അത്തോളിക്കും അഭിമാനം; സുവർണ നേട്ടവുമായി അബ്രഹാം റോയ്
Atholi NewsInvalid Date5 min
സംസ്ഥാന സ്കൂൾ ഒളിമ്പിക്സിൽ അത്തോളിക്കും അഭിമാനം; സുവർണ നേട്ടവുമായി അബ്രഹാം റോയ്
അത്തോളി : കൊച്ചിയിൽ നടക്കുന്ന സംസ്ഥാന സ്കൂൾ ഒളിമ്പിക്സിൽ അത്തോളിക്കും
അഭിമാന നേട്ടം .
അത്തോളി ജി വി എച്ച് എസ് എസ് ലെ 10 ആം ക്ലാസ് വിദ്യാർഥി അബ്രഹാം റോയി ഉൾപ്പെടെ കോഴിക്കോട് ജില്ലാ ജൂനിയർ ബാഡ്മിന്റൺ ടീം ഗോൾഡ് മെഡൽ നേടി. അത്തോളി ജി വി എച്ച് എസ് എസിലെ പി ടി എ യുടെ പിന്തുണയാണ് ഈ നേട്ടത്തിന് പിന്നിലെന്ന് ജില്ലാ ടിം മാനേജർ രജീഷ് അത്തോളി ന്യൂസിനോട് പറഞ്ഞു.
അബ്രഹാം റോയിയിലൂടെ സ്പോർട്സ് രംഗത്ത് അത്തോളിക്ക് അഭിമാന നേട്ടം കൈവരിച്ചതിൽ നാട്ടുകാർ അഭിമാനിക്കുന്നതായി പി ടി എ പ്രസിഡണ്ട് സന്ദീപ് കുമാർ നാലുപുരയ്ക്കൽ പറഞ്ഞു.
എൽ പി സ്കൂൾ തല മത്സരങ്ങളിൽ തുടങ്ങി അബ്രഹാം റോയി മികച്ച പ്രകടനം കാഴ്ച വെക്കാറുണ്ടെന്ന് അധ്യാപകർ വ്യക്തമാക്കി.
അത്തോളി കൊളക്കാട് സ്വദേശി റോയിയുടെ മകനാണ് .
