ജോയ് അറക്കൽ മെമ്മോറിയൽ ബാഡ്മിന്റൺ

ചാംപ്യൻഷിപ്പ് :ഷുഹൈബ് മാലിക്കിനും, വിന്നിദാസിനും ട്രിപ്പിൾ കിരീടം

കോഴിക്കോട്: ജില്ലാ ബാഡ്മിന്റൻ അസോസിയേഷന്റെ നേതൃത്വത്തിൽ ഇൻഡോർ സ്റ്റേഡിയത്തിൽ നടന്ന ജോയ് അറക്കൽ മെമ്മോറിയൽ ജില്ലാ ഷട്ടിൽ ബാഡ്മിന്റൻ ചാംപ്യൻഷിപ്പിന് സമാപനം

അണ്ടർ 19 ആൺ കുട്ടികളുടെ സിംഗിൾസ് , ഡബിൾസ് , മിക്സ് ഡബിൾസിൽ സാമൂതിരി സ്കൂൾ പ്ലസ് വൺ വിദ്യാർത്ഥി ഷുഹൈബ് മാലിക്കിനും പെൺകുട്ടികളുടെ സീനിയർ വിഭാഗത്തിൽ രണ്ട് സിംഗിൾസ് , മിക്സ്ഡ് ഡബിൾസ് എന്നിവയിൽ ചെറുവണ്ണൂർ ജി എച്ച് എസിലെ പ്ലസ് വൺ വിദ്യാർത്ഥി വിന്നി ദാസിനും ട്രിപ്പിൾ കിരീടം.

അണ്ടർ 11 മുതൽ അണ്ടർ 70 വരെ 356  പേർ മത്സരിച്ചു. ചടങ്ങിൽ ജില്ലാ സ്പോർട്സ് കൗൺസിൽ പ്രസിഡന്റ് ഒ രാജഗോപാൽ സമ്മാനദാനം നിർവഹിച്ചു. ബാഡ്മിന്റൺ അസോസിയേഷൻ ജില്ലാ പ്രസിഡന്റ് സഞ്ജീവ് സാബു അധ്യക്ഷത വഹിച്ചു.

കേരള ബാഡ്മിന്റൺ സ്റ്റേറ്റ് അസോസിയേഷൻ മുൻ വൈസ് പ്രസിഡന്റ് എ വത്സലൻ , എൻ പ്രേമചന്ദ്രൻ എന്നിവർ സംസാരിച്ചു.

ജില്ലാ സെക്രട്ടറി ഇ ആർ വൈശാഖ് സ്വാഗതവും

ട്രഷറർ കെ ഹരികൃഷ്ണൻ നന്ദിയും പറഞ്ഞു.

ഫോട്ടോ: 1 . അണ്ടർ 11 മുതൽ അണ്ടർ 70 വരെയുള്ള ചാപ്യാന്മാർ ജില്ലാ സ്പോർട്സ് കൗൺസിൽ പ്രസിഡന്റ് ഒ . രാജഗോപാലിനൊപ്പം

ഫോട്ടാ - 2 : ട്രിപ്പിൾ കിരീടം നേടിയ ,ഇടത് വശം -വിന്നി ദാസ്,വലതു വശം -ഷുഹൈബ് മാലിക്ക്