കച്ചേരി ജംഗ്ഷനിൽ കെ എസ് ആർ ടി സി 

ബസ് ഇടിച്ച് സ്കൂട്ടർ ഓടിച്ചയാൾക്ക് പരിക്ക് 

തലക്കുളത്തൂർ :കച്ചേരി ജംഗ്ഷനിൽ കെ എസ് ആർ ടി സി ബസ് ഇടിച്ച് സ്കൂട്ടർ ഓടിച്ചയാൾക്ക് പരിക്ക്.കോഴിക്കോട് - കുറ്റ്യാടി റൂട്ടിൽ സർവീസ് നടത്തുന്ന കെ എസ് ആർ ടി സി ബസാണ് (കെ എൽ 15- 7506) ഇടിച്ചത്.മക്കട കൂടത്തുംപൊയിൽ ജിജിത്ത് ബാബുവിനാണ് ( 45 )

പരിക്കേറ്റത്.സ്കൂട്ടറിൽ കോഴിക്കോട് ടൗൺ ഭാഗത്തേക്ക് പോകുകയിരുന്നു. 

പരിക്കേറ്റ ജിജിത്ത് ബാബുവിനെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇടിയിൽ പല്ല് പൊട്ടി എന്നത് ഒഴിച്ചാൽ മറ്റ് പരിക്കുകൾ ഇല്ല.

ഹെൽമെറ്റ് ധരിച്ചതിനാൽ വലിയ അപകടത്തിൽ നിന്നും രക്ഷപ്പെട്ടു.സ്കാനിങ്ങിൽ മറ്റ് ആരോഗ്യ പ്രശ്നങ്ങൾ ഇല്ലന്ന് വിവരം ലഭിച്ചു.കച്ചേരി ജംഗ്ഷനിൽ നിർത്തിയിട്ട

ഉന്ത് വണ്ടിയെ മറി കടക്കുന്നതിനിടെ എതിർ ദിശയിൽ നിന്നും എത്തിയ സ്‌കൂട്ടർ ഇടിക്കുകയായിരുന്നുവെന്ന് നാട്ടുകാർ പറഞ്ഞു. ഈ ഭാഗത്ത് സ്ഥിരം അപകട മേഖലയാണെന്ന് നാട്ടുകാർ പറയുന്നു.

ഇടിയുടെ ആഘാതത്തിൽ സ്കൂട്ടറിൻ്റെ മുൻഭാഗം പൂർണ്ണമായും തകർന്നു.