സ്കൂൾ വിദ്യാർത്ഥിനിക്കെതിരെ ലൈംഗികാതിക്രമം:

പ്രതി റിമാന്റിൽ 

കോഴിക്കോട് : സ്കൂൾ വിദ്യാർത്ഥിനിക്കെതിരെ ലൈംഗികാതിക്രമം നടത്തിയ യുവാവിനെ ടൗൺ പോലീസ് പിടികൂടി. ഒളവണ്ണ പള്ളിക്കുന്ന് എ ടി ഹൗസിൽ മുഹ്സിൻ (21) നെയാണ് ടൗൺ പോലീസ് പോക്സോ നിയമപ്രകാരം 

അറസ്റ്റ് ചെയ്തത് .കോഴിക്കോട് മിഠായി തെരുവിൽ നിന്നും അതിജീവിതയെ ബൈക്കിൽ എത്തിയ പ്രതി കടത്തിക്കൊണ്ടുപോയി കടലുണ്ടിയിലെ വാക്കടവ് ബീച്ചിൽ വച്ച് ലൈംഗികാതിക്രമം നടത്തുകയായിരുന്നുവെന്നാണ് കേസ്.പ്രതി മിഠായി തെരുവിൽ എത്തിയിട്ടുണ്ടെന്നുള്ള രഹസ്യ വിവരത്തിന്റെ അടിസ്ഥാനത്തിൽ ടൗൺ പോലീസ് സ്റ്റേഷനിലെ ഇൻസ്പെക്ടർ ജിതേഷ്, എ എസ് ഐ മാരായ റിനീഷ് , അജിത, എസ് സി പി ഒ മാരായ ബിനിൽ, അരുൺ,

 സി പി ഒ ജലീൽ എന്നിവരുടെ നേതൃത്വത്തിലുള്ള സംഘമാണ് പ്രതിയെ കസ്റ്റഡിയിലെടുത്തത്.കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.