ആഘോഷമായി "ഗ്രാമിക ";  സ്പാർക്ക് - 2026

അത്തോളി : ഗ്രാമ പഞ്ചായത്തിലെ ആദ്യത്തെ റസിഡൻസ് കൂട്ടായ്മയായ കോതങ്കൽ ഗ്രാമിക റസിഡൻ്റസ് അസോസിയേഷൻ 

15 ആം വാർഷികവും പുതുവത്സരാഘോഷവും ( സ്പാർക്ക് - 2026 ) സംഘടിപ്പിച്ചു.

കെ പി സി നഗറിൽ വാദ്യമേളങ്ങളുടെ അകമ്പടിയോടെ ഘോഷയാത്ര നടത്തി, സാസ്ക്കാരിക സമ്മേളനം ഫ്ലവേർസ് ടോപ്പ് സിംഗർ സീസൺ 4 ഫൈനലിസ്റ്റ് ലക്ഷ്യ ശിഗീഷ ഉദ്ഘാടനം ചെയ്തു. ഗ്രാമിക പ്രസിഡൻ്റ് പ്രസാദ് തെക്കയിൽ അധ്യക്ഷത വഹിച്ചു.

ഇൻകം ടാക്സ് ഡെപ്യൂട്ടി കമ്മീഷണർ ( കോഴിക്കോട് സർക്കിൾ 1 ( 1 ) ജയദേവൻ ഐ ആർ എസ് മുഖ്യ പ്രഭാഷണം നടത്തി. ഗ്രാമ പഞ്ചായത്ത് പ്രസിഡൻ്റ് ജയകൃഷ്ണൻ മാസ്റ്റർ മുഖ്യാതിഥിയായി.

വാർഡ് മെമ്പർമാരായ ബിന്ദു പാലോട്ട് , എൻ എം രാധിക , ഷീജ ഷിബു, സ്വാഗത സംഘം ചെയർമാൻ ടി കെ മുരളീധരൻ , ഗ്രാമിക രക്ഷാധികാരി സത്യനാഥൻ മാസ്റ്റർ ആശംസകൾ നേർന്നു. സെക്രട്ടറി രഘുനാഥ് സ്വാഗതവും വൈസ് പ്രസിഡൻ്റ് കെ പി എം കൃഷ്ണൻ നന്ദിയും പറഞ്ഞു.

ചടങ്ങിൽ മുതിർന്ന പൗരന്മാരെ ആദരിച്ചു. 

തുടർന്ന് ഗ്രാമിക കുടുംബാംഗങ്ങളും കലാപരിപാടികൾ അരങ്ങേറി.