ബീച്ചിൽ പ്രായപൂർത്തിയാകാത്ത കുട്ടിയ്ക്ക് നേരെ ലൈംഗിക അതിക്രമം; ക്വട്ടേഷൻ തലവനും സംഘവും അറസ്റ്റിൽ

കോഴിക്കോട് :സുഹൃത്തുക്കളോടൊപ്പം ബീച്ചിൽ വിശ്രമിക്കുകയായിരുന്ന പ്രായപൂർത്തിയാകാത്ത കുട്ടിയെ ലൈംഗികാതിക്രമം നടത്തി ഒളിവിൽ കഴിയുകയായിരുന്നു ക്വട്ടേഷൻ തലവൻ പന്നിയങ്കര സ്വദേശി നൈനൂക്ക് (40),

കൂട്ടാളികളായ നിഷാദ്, സാജർ , ജാസിം എന്നിവരെ ടൗൺ ഇൻസ്പെക്ടർ ബൈജു കെ ജോസിന്റെ നേതൃത്വത്തിലുള്ള അന്വേഷണസംഘം അറസ്റ്റ് ചെയ്തു.

സുഹൃത്തുക്കളോടൊപ്പം കോഴിക്കോട് ബീച്ചിൽ കളിക്കുകയായിരുന്ന കുട്ടിയുടെ അടുത്തുവന്ന് കയറി പിടിച്ച് ലൈംഗികമായി അതിക്രമിക്കുകയും തടയാൻ ശ്രമിച്ച മറ്റു കുട്ടികളെ ഉപദ്രവിക്കുകയും കടലിൽ മുക്കി കൊല്ലാൻ ശ്രമിച്ചെന്നാണ് കേസ്. തുടർന്നുള്ള അന്വേഷണത്തിൽ നൈനൂക്കിനെ പന്നിയങ്കരയുള്ള വീട്ടിലുണ്ടെന്ന് കണ്ടെത്തി, വീട് തുറക്കാതെ വീട്ടിനകത്തുണ്ടായിരുന്ന ഗ്യാസിലിണ്ടർ തുറന്നുവിട്ടു ആയുധങ്ങളും മറ്റും കയ്യിൽ കരുതി പോലീസിനെ വെല്ലുവിളിച്ച് നൈനൂക്ക് ഭീകരാന്തരീക്ഷം സൃഷ്ടിക്കുകയായിരുന്നു. പ്രതിയുടെ വീടിന്റെ വാതിൽ ടൗൺ സബ്ഇൻസ്പെക്ടർ സുഭാഷ് ചന്ദ്രനും സംഘവും ചവിട്ടി തുറന്ന് പ്രതിയെയും കൂട്ടാളികളെയും അതിസാഹസികമായി കീഴ്പ്പെടുത്തി.

പ്രതിയെ അറസ്റ്റ് ചെയ്ത സംഘത്തിൽ ടൗൺ സബ് ഇൻസ്പെക്ടർമാരായ ജിബിൻ ജെ ഫ്രഡി മുഹമ്മദ് സിയാദ് , പന്നിയങ്കര എസ് ഐ കിരൺ , മനോജ് എടയടത്ത് സീനിയർ സിവിൽ പോലീസ് ഓഫീസർമാരായ സജേഷ് കുമാർ , ബിനിൽകുമാർ , ബഷീർ ,സിവിൽ പോലീസ് ഓഫീസർമാരായ സുജിത്ത് സി കെ പ്രവീൺകുമാർ ,ജിതിൻ, ബിനുരാജ് എന്നിവരുണ്ടായിരുന്നു. അക്രമത്തിൽ പരിക്കേറ്റ പോലീസുകാർ ബീച്ച് ആശുപത്രിയിൽ ചികിത്സയിലാണ്. പ്രതികൾ പോലീസ് വാഹനം ആക്രമികൾ അടിച്ചു തകർത്തു. ആയുധവുമായി ആക്രമിച്ചതിനും പോലീസ് വാഹനം തകർത്തതിനും പന്നിയങ്കര പോലീസ് സ്റ്റേഷനിൽ പ്രത്യേകം കേസെടുത്തിട്ടുണ്ട്.

പ്രതികളെ ഇന്ന് ഉച്ചയ്ക്ക് കോടതിയിൽ ഹാജരാക്കും.