വിസ്‌ഡം സ്റ്റുഡന്റ്സ് ടീന്‍സ്‌പേസ് കോണ്‍ഫറന്‍സ് ഞായറാഴ്ച അത്തോളിയിൽ; ഒരുക്കങ്ങള്‍ പൂര്‍ത്തിയായി

അത്തോളി : വിസ്‌ഡം സ്റ്റുഡന്റ്സ് കോഴിക്കോട് സൗത്ത് ജില്ലാ കമ്മിറ്റി സംഘടിപ്പിക്കുന്ന ടീൻസ്പേസ് ജില്ലാ ഹയർ സെക്കണ്ടറി വിദ്യാർത്ഥി സമ്മേളനം നവംബര്‍ 26 ന് ഞായറാഴ്ച അത്തോളി ലക്സ്മോർ കൺവെൻഷൻ സെന്ററിൽ വെച്ച് നടക്കും.

രാവിലെ 8.30 മുതൽ വൈകുന്നേരം 4.30 മണി വരെ നടക്കുന്ന സമ്മേളനത്തിൽ അക്കാദമിക് വിദഗ്ധരും പണ്ഡിതന്മാരും ജനപ്രതിനിധികളും സംബന്ധിക്കും.

ജില്ലയുടെ വിവിധ ഭാഗങ്ങളിൽ നിന്നായി നൂറുകണക്കിന് വിദ്യാർത്ഥി വിദ്യാർത്ഥികൾ സമ്മേളനത്തിൽ പങ്കെടുക്കും

ഹയർ സെക്കണ്ടറി വിദ്യാര്‍ത്ഥി സമൂഹത്തിന് ധൈഷണിക മൂല്യങ്ങള്‍ പകര്‍ന്ന് നല്‍കുക, പുതിയ ഉപരി പഠന സാധ്യതകളും തൊഴില്‍ മേഖലകളും പരിചയപ്പെടുത്തുക, കൗമാരക്കാർക്കിടയിൽ വർധിക്കുന്ന ലഹരി ഉപയോഗം, കുറ്റകൃത്യ വാസനകൾ, സോഷ്യല്‍ മീഡിയ ദുരുപയോഗം, വിധ്വംസക പ്രവര്‍ത്തനങ്ങള്‍, മതനിരാസം, എന്നിവക്കെതിരെ ബോധവല്‍ക്കരണം നടത്തുക, സാമൂഹിക സാംസ്കാരിക രംഗങ്ങളില്‍ ഹയർ സെക്കണ്ടറി വിദ്യാര്‍ത്ഥികളുടെ ഗുണപരമായ പങ്കാളിത്തം ഉറപ്പുവരുത്തുക, വിദ്യാര്‍ത്ഥികളുടെ കഴിവുകളും മികവുകളും രാജ്യനന്മക്കും സാമൂഹ്യരംഗത്തും ഉപയോഗപ്പെടുത്താന്‍ പ്രേരിപ്പിക്കുക തുടങ്ങിയ ലക്ഷ്യങ്ങളോടെയാണ് സമ്മേളനം സംഘടിപ്പിക്കുന്നത്.

സമ്മേളനം വിസ്ഡം ഇസ്‌ലാമിക് ഓർഗനൈസേഷൻ സംസ്ഥാന ട്രെഷറർ കെ. സജ്ജാദ് ഉദ്ഘാടനം ചെയ്യും .വിസ്‌ഡം ഇസ്‌ലാമിക് ഓർഗനൈസേഷൻ ജില്ലാ പ്രസിഡന്റ്‌ വിടി ബഷീർ അധ്യക്ഷത വഹിക്കും. എം കെ രാഘവൻ എംപി മുഖ്യാതിഥിയാകും.

വിവിധ സെഷനുകളിലായി വിസ്‌ഡം യൂത്ത് സംസ്ഥാന പ്രസിഡണ്ട് കെ. താജുദ്ദീൻ സ്വലാഹി, ഉപാധ്യക്ഷൻ ഹാരിസ് കായക്കൊടി, വിസ്‌ഡം സ്റ്റുഡന്റ്‌സ് സംസ്ഥാന ഉപാധ്യക്ഷൻമാരായ ഡോ.ശഹബാസ് കെ അബ്ബാസ്, സഫ്‌വാൻ ബറാമി അൽ ഹികമി, വിസ്‌ഡം സ്റ്റുഡന്റ്‌സ് ജില്ലാ പ്രസിഡണ്ട് യാസീൻ അബൂബക്കർ, വിസ്‌ഡം യൂത്ത് ജില്ലാ പ്രസിഡണ്ട് അമീർ അത്തോളി,അബ്ദുറഹിമാൻ ചുങ്കത്തറ, ഡോ.മുഹമ്മദ്‌ കുട്ടി കണ്ണിയൻ, അംജദ് മദനി, മുഷ്ത്താക് അൽ ഹികമി,ഷാബിൻ മദനി പാലത്ത്, അജ്മൽ ഫൗസാൻ അൽ ഹികമി, സുഹൈൽ കല്ലായി, സഹൽ ആദം, അർഷദ് ചെറുവാടി, എന്നിവർ സംസാരിക്കും. 

സമ്മേളനത്തോടനുബന്ധിച്ച് ഗൃഹ സന്ദർശങ്ങൾ, സ്കൂൾ തലങ്ങളിൽ വിവിധ തരത്തിലുള്ള മത്സരങ്ങൾ, ലഹരിക്കെതിരെയുള്ള ബോധവൽക്കരണം, സന്ദേശ ലഘുലേഖ വിതരണം തുടങ്ങിയവ ജില്ലയുടെ വിവിധ പ്രദേശങ്ങളിലായി നടന്നു.

സമ്മേളനത്തിന് ഒരുക്കങ്ങൾ പൂർത്തിയായതായി ഭാരവാഹികൾ വാർത്ത സമ്മേളനത്തിൽ അറിയിച്ചു.

ഉമർ അത്തോളി (രക്ഷാധികാരി, ടീൻസ്‌പേസ് സ്വാഗതസംഘം),സഫ്‌വാൻ ബറാമി അൽഹികമി (വൈസ് പ്രസിഡന്റ്‌, വിസ്‌ഡം സ്റ്റുഡന്റസ് കേരള),അബ്ദുൽ റസാഖ് കൂട്ടിൽ (സെക്രട്ടറി, വിസ്ഡം ഇസ്‌ലാമിക് ഓർഗനൈസേഷൻ കോഴിക്കോട് സൗത്ത് ജില്ലാ),സുഹൈൽ കല്ലായി (ജനറൽ കൺവീനവർ, ടീൻസ്‌പേസ്,സകരിയ അസ്മാസ് (സ്വാഗത സംഘം വൈസ് ചെയർമാൻ, ടീൻസ്‌പേസ്),റുഫൈദ് തോരായി (വൈസ് പ്രസിഡന്റ്‌, വിസ്ഡം സ്റ്റുഡന്റസ് കോഴിക്കോട് സൗത്ത് ജില്ലാ) എന്നിവർ വാർത്ത സമ്മേളനത്തിൽ പങ്കെടുത്തു.