ഉള്ളിയേരി മാതാം തോട്ടിൽ തലകീഴായി മൃതദേഹം; ആളെ തിരിച്ചറിഞ്ഞു

അത്തോളി : ഉള്ളിയേരി ഈസ്റ്റ് മുക്കിൽ തണൽ ഡയാലിസിസ് സെന്ററിന് സമീപം ഒരാളെ മരിച്ചു നിലയിൽ കണ്ടെത്തി.

ബാലുശ്ശേരി എരമംഗലം മുതുവത്ത് വലിയാവുള്ളതിൽ ലോഹിതാക്ഷനാണ് ( കാഴ്ചയിൽ 54 വയസ് ) മരിച്ചതെന്ന് തിരിച്ചറിഞ്ഞതായി അത്തോളി പോലീസ് പറഞ്ഞു.

ഇന്ന് രാവിലെ 6 മണിയോടെ കാൽ നടയാത്രക്കാരാണ് ഒരാൾ തോട്ടിൽ വീണ് കിടക്കുന്നതായി കണ്ടത്. കാല് മുകളിലേക്കായാണ് മൃതദേഹം കണ്ടെത്തിയത്. മൃതദേഹം എം എം സി യിൽ എത്തിച്ചു, തുടർന്ന് കോഴിക്കോട് മെഡിക്കൽ കോളജിലേക്ക് കൊണ്ട് പോയി. പോലീസ് അന്വേഷണം ആരംഭിച്ചു .