ദേശീയ സേവാഭാരതി ജില്ലാ ആശ്രയ കേന്ദ്രം പ്രവർത്തനം ആരംഭിച്ചു

കോഴിക്കോട് :ദേശീയ സേവാഭാരതി ജില്ലാ ആശ്രയ കേന്ദ്രം പ്രവർത്തനം ആരംഭിച്ചു.ചാലപ്പുറം കേസരി ഭവനിൽ നടന്ന ചടങ്ങിൽ മലബാർ മെഡിക്കൽ കോളേജ് പ്രസിഡൻറ് അനിൽകുമാർ ഉദ്ഘാടനം ചെയ്തു.ചടങ്ങിൽ ദേശീയ സേവാഭാരതി ജില്ലാപ്രസിഡന്റ് ഡോ. വേണുഗോപാൽ അധ്യക്ഷത വഹിച്ചു.ദേശീയ സേവാഭാരതി സംസ്ഥാന എക്സിക്യൂട്ടീവ് അംഗം ഷാജ കുമാർ ആമുഖഭാഷണം നടത്തി. ദേശീയ സേവാഭാരതി ജില്ലാ വൈസ് പ്രസിഡന്റ് ഡോ. സുലോചന സേവാഭാരതിയുടെ പ്രവർത്തനങ്ങൾ കുറിക്കുന്ന ബ്രോഷർ പ്രകാശനം ചെയ്തു 

 സേവാഭാരതിയുടെ ഭൂദാനം പദ്ധതിയിലേക്ക് 

ഉണ്ണികുളം സ്വദേശി സുഭദ്രമ്മ പൂന്തോറക്കണ്ടിയും മക്കട സ്വദേശി മധുസൂദനനും ഭൂമി ദാനം ചെയ്തു 

ചടങ്ങിൽ ഭാരതീയ വിദ്യാനികേതനിലെ വിദ്യാർത്ഥികളും അധ്യാപകരും സമിതി അംഗങ്ങളും വയനാട് ഉരുൾ പൊട്ടലിൽ ദുരിതം അനുഭവിക്കുന്നവർക്കായി സമാഹരിച്ച തുക, ഭാരതീയ വിദ്യാനികേതൻ സംസ്ഥാന പ്രസിഡന്റ് ഗോപാലൻ കുട്ടി മാസ്റ്ററിൽ നിന്ന് ദേശീയ സേവാഭാരതി സംസ്ഥാന പ്രസിഡന്റ് ഡോ വിജയഹരി ഏറ്റുവാങ്ങി. ജില്ലയിലെ സേവാഭാരതിയുടെ ചരിത്രവും പ്രവർത്തനവും വിശദമാക്കുന്ന വിഷ്വൽ ബ്രോഷർ വേദിയിൽ പ്രദർശിപ്പിച്ചു. മലബാർ മെഡിക്കൽ കോളേജ് പ്രിൻസിപ്പൽ ഡോ പി വി നാരായണൻ ,അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് പ്രൊഫസർ സി ശ്രീകുമാർ,ദേശീയ സേവാഭാരതി ജില്ലാ ട്രഷറർ അഞ്ജു ദേവി, എന്നിവർ പ്രസംഗിച്ചു.

സമൂഹത്തിൽ കഷ്ടതയനുഭവിക്കുന്നവർക്ക് ആശ്രയമാവുക,

ജില്ലയിലെ 85 യൂണിറ്റുകളുടെ പ്രവർത്തനം ഏകോപിപ്പിക്കുക, സേവാപ്രവർത്തകർക്ക് മികച്ച രീതിയിൽ പ്രവർത്തിക്കുന്നതിനാവശ്യമായ പരിശീലനം നൽകുക എന്നിവയാണ് ജില്ലാ ആശ്രയ കേന്ദ്രത്തിന്റെ പ്രവർത്തന ലക്ഷ്യമെന്ന് ദേശീയ സേവാഭാരതി ജില്ലാ ജനറൽ സെക്രട്ടറി മോഹനൻ പറഞ്ഞു.ജില്ലാ സെക്രട്ടറി അമൃത ശാന്തി മന്ത്രം ചൊല്ലി.സേവാഭാരതി പ്രവർത്തകർ ഉൾപ്പെടെ 469 പേർ ചടങ്ങിൽ പങ്കെടുത്തു.