കോഴിക്കോട് -കണ്ണൂർ റൂട്ടിൽ സ്വകാര്യ ബസ് പണിമുടക്ക്;ഉടമകളുടെയും സംയുക്ത ട്രേഡ് യൂണിയൻ്റെ എതിർപ്പ് മറികടന്ന്

സ്വന്തം ലേഖകൻ

കൊയിലാണ്ടി: ബസ് ഉടമകളുടെയും സംയുക്ത ട്രേഡ് യൂണിയൻ്റെ എതിർപ്പ് മറി കടന്ന് കോഴിക്കോട് - കണ്ണൂർ റൂട്ടിൽ ഒരു വിഭാഗം സ്വകാര്യ ബസുകൾ സർവീസ് നടത്തിയില്ല.

പണിമുടക്ക് പ്രഖ്യാപിച്ചിട്ടില്ലന്ന് ട്രേഡ് യൂണിയനും ബസ് ഉടമകളും ഇന്നലെ രാത്രിയോടെ രംഗത്ത് എത്തിയതിനാൽ ഇന്ന് രാവിലെ ഓഫീസുകളിൽ മറ്റും എത്തേണ്ടവർ ദുരിതത്തിലായി.

ശക്തമായ മഴയെ തുടർന്ന് ജില്ലാ കലക്ടർ അവധി പ്രഖ്യാപിച്ചതിനാൽ വിദ്യാർത്ഥികളെ യാത്രാ ദുരിതം ബാധിച്ചില്ല.

ദേശീയ പാതയുടെ ജോലി മഴ കാരണം പലയിടങ്ങളിലും ഇഴഞ്ഞാണ് നീങ്ങുന്നത് . വിവിധ സ്ഥലങ്ങളിൽ വലിയ ഗർത്തങ്ങൾ രൂപപ്പെട്ടു. വാഹനങ്ങൾ പതുക്കെയാണ് സഞ്ചരിക്കുന്നത്. അത് കൊണ്ട് തന്നെ ഗതാഗതക്കുരുക്കും രൂക്ഷമാണ് . പൊതുവെ ഈ സാഹചര്യത്തിലൂടെ കടന്ന് പോകുന്നതിനിടെ മിന്നൽ പണിമുടക്കും വന്നതോടെ ജനം അക്ഷമരായി.

ഇന്നലെ വൈകീട്ടാണ്

വാട്സ് ആപ്പിലൂടെ കോഴിക്കോട് - കണ്ണൂർ റൂട്ടിൽ തിങ്കളാഴ്ച ബസ് സമരം പ്രഖ്യാപിച്ചത് പിന്നാലെ എതിർപ്പുമായി ബസ് തൊഴിലാളി - ഉടമകളുടെയും ട്രേഡ് യൂണിയനും എതിർപ്പുമായി എത്തിയത്.. മുൻകൂർ നോട്ടിസു പോലും നൽകാതെയും സംഘടനകളുമായി ചർച്ച ചെയ്യാതെയും ഒരു വിഭാഗം ജീവനക്കാർ മിന്നൽ പണിമുടക്ക് നടത്താൻ തീരുമാനിച്ചത് ജനങ്ങളോടുള്ള വെല്ലുവിളിയാണ്. ട്രേഡ് യൂണിയനുകൾക്ക് ഇതിൽ പങ്കില്ലന്ന് സംയുക്ത ട്രേഡ് യൂണിയൻ അറിയിച്ചിരുന്നു.ഇത്തരം സമരങ്ങൾക്കും പ്രഖ്യാപനങ്ങൾക്കും ശക്തമായ നിലപാട് സ്വീകരിക്കണമെന്ന് സി ഐ ടി യു , എ ഐ ടി യു സി , ബി എം എസ്, എസ് ടി യു സംയുക്ത സമരസമിതി ജില്ലാ കൺവീനർ പി പി കുഞ്ഞാൻ നിലപാട് വ്യക്തമാക്കുകയും ചെയ്തു.

വടകര ദേശീയ പാത ശോച്യാവസ്ഥ പരിഹരിക്കുക, മടപ്പള്ളി കോളേജ് സ്റ്റോപ്പിൽ സീബ്ര ലൈൻ മുറിച്ചു കടക്കുമ്പോൾ ഉണ്ടായ അപകടത്തിൽ ഡ്രൈവറുടെ ലൈസൻസ് റദ്ദാക്കിയത് പുന: പരിശോധിക്കുക എന്നീ ആവശ്യങ്ങൾ ഉന്നയിച്ച് വാട്സ് ആപ്പിലൂടെയാണ് മിന്നൽ പണിമുടക്ക് പ്രഖ്യാപിച്ചത്.

കെ എസ് ആർ ടി സി ബസ് സർവീസ് നടത്തുന്നുണ്ട്.

കോഴിക്കോട് - കൊയിലാണ്ടി സ്വകാര്യ ബസ് സർവീസ് നടത്തുണ്ടെങ്കിലും കൊയിലാണ്ടി വടകര സ്വകാര്യ ബസ് പണിമുടക്കുകയാണ്.