താമരശ്ശേരിയിൽ

സാരിവേലി സമര പരമ്പരയിൽ പ്രതിഷേധമിരമ്പി:

ജയിൽ നിറക്കൽ സമരം തുടങ്ങുമെന്ന് താമരശ്ശേരി രൂപത മെത്രാൻ 

താമരശ്ശേരി :ഇനിയൊരു വന്യമൃഗ ആക്രമത്തിൽ മനുഷ്യ ജീവന് അപകടം സംഭവിച്ചാൽ

ജയിൽ നിറയ്ക്കൽ സമരം നടത്തുമെന്ന്  താമരശ്ശേരി രൂപത മെത്രാൻ മാർ റിമിജിയോസ് ഇഞ്ചനാനിയൽ പറഞ്ഞു.

താമരശ്ശേരി രൂപത കത്തോലിക്ക കോൺഗ്രസിന്റെ നേതൃത്വത്തിൽ 

താമരശ്ശേരിയിൽ

സാരിവേലി സമരം ഉദ്ഘാടനം ചെയ്ത് സംസാരിക്കുകയായിരുന്നു മെത്രാൻ . 

കർഷകർ നടത്തുന്നത് അതിജീവന സമരമാണ്, സൗര വേലി നിർമ്മിക്കാമെന്ന വാക്ക് മന്ത്രി പാലിച്ചില്ലെങ്കിൽ പ്രതിഷേധ സമരം ശക്തമാക്കുമെന്നും അദ്ദേഹം കൂട്ടിച്ചേർത്തു.

താമരശ്ശേരി പഴയ ബസ്റ്റാൻഡ് പരിസരത്തുനിന്ന് തുടങ്ങി ഫോറസ്റ്റ് റേഞ്ച് ഓഫീസിലേക്ക് ആയിരുന്നു

അതിജീവന പ്രതിഷേധ റാലിയും ധർണ്ണയും നടത്തിയത്. കത്തോലിക്ക കോൺഗ്രസ് രുപത 

ഡയറക്ടർ ഫാദർ മാത്യൂ തൂമള്ളിൽ അധ്യക്ഷത വഹിച്ചു.

കത്തോലിക്കാ കോൺഗ്രസ് രൂപത പ്രസിഡണ്ട് ഡോക്ടർ ചാക്കോ കാളംപറമ്പിൽ

മുഖ്യ പ്രഭാഷണം നടത്തി.

ജനറൽ സെക്രട്ടറി ഷാജി കണ്ടത്തിൽ,സംഘാടകസമിതി ഭാരവാഹികളായ ജോബിഷ് തുണ്ടത്തിൽ, 

ഷിനോയി അടയ്ക്കപ്പാറ, ജോസഫ് പുലക്കുടി, ജോസഫ് ആലവേലിൽ,

 രാജു മംഗലശ്ശേരി, വിൻസൻറ് പൊട്ടനാനിയ്ക്കൽ,   

ഫാ. കുര്യാക്കോസ് ഐകുളമ്പിൽ, ഫാ. തോമസ് നാഗപറമ്പിൽ, ഫാ. തോമസ് ചിലമ്പിക്കുന്നേൽ , ഫാ. സൈമൺ കിഴക്കേ കുന്നേൽ തുടങ്ങിയവർ പ്രസംഗിച്ചു.

താമരശ്ശേരി,കോടഞ്ചേരി, തിരുവമ്പാടി, പാറോപ്പടി മേഖലകളിലെ വിവിധ യൂണിറ്റുകളിൽ നിന്നും പ്രവർത്തകർ അതിജീവനപ്രതിഷേധ റാലിയിൽ അണിചേർന്നു. 

വന്യമൃഗ ആക്രമണ ദുരന്തത്തിനെതിരെ പ്രതീകാത്മകമായി സാരിവേലി കെട്ടി പ്രതിജ്ഞ ചൊല്ലി പ്രമേയം അവതരിപ്പിച്ചു.

വനത്തിനുള്ളിൽ തേക്കടക്കമുള്ള തോട്ടങ്ങൾ വെച്ചുപിടിപ്പിച്ചും ഖനനം പോലും അനുവദിച്ചും മൃഗങ്ങളെ ജനവാസ കേന്ദ്രങ്ങളിലേക്ക് ഇറക്കിവിട്ട് മനുഷ്യനെ കുടിയിറക്കാൻ ശ്രമിക്കുന്ന കാട്ടു നീതിക്കെതിരെയാണ് "ഞങ്ങൾക്ക് ഇവിടെ ജീവിക്കണം" എന്ന മുദ്രാവാക്യം ഉയർത്തിപ്പിടിച്ചുകൊണ്ട് സൗരവേലി വഞ്ചനക്കെതിരെ സാരിവേലി സമരപരമ്പരയുമായി  കത്തോലിക്കാ കോൺഗ്രസ് മുൻപോട്ട് പോകുന്നതെന്ന് ഡോ ചാക്കോ 

കാളംപറമ്പിൽ പറഞ്ഞു.

 ആഗസ്റ്റ് 16 ന് രാവിലെ 11

നിലമ്പൂർ ഫോറെസ്റ്റ് റേഞ്ച് ഓഫീസിന് മുന്നിൽ സാരി വേലി സമര പരമ്പര സമാപിക്കും.

ഫോട്ടോ:താമരശ്ശേരി രൂപത കത്തോലിക്ക കോൺഗ്രസിന്റെ നേതൃത്വത്തിൽ 

താമരശ്ശേരിയിൽ നടത്തിയ

സാരിവേലി സമരം താമരശ്ശേരി രൂപത മെത്രാൻ മാർ റിമിജിയോസ് ഇഞ്ചനാനിയൽ ഉദ്ഘാടനം ചെയ്യുന്നു.