വാർമുകിൽ 10 ആം വാർഷികം ; കൊച്ചിൻ മൻസൂറിന് ആദരം

കോഴിക്കോട് :സംഗീതത്തെ സ്നേഹിക്കുന്നവരുടെ കൂട്ടായ്മ വാർമുകിൽ സോഷ്യോ - കൾച്ചറൽ ആന്റ് ചാരിറ്റബിൾ ഫോറം 10 ആം വാർഷികം ആഘോഷിച്ചു.

നടക്കാവ് ഗേൾസ് സ്കൂൾ ഹാളിൽ നടന്ന ചടങ്ങിൽ ഗിന്നസ് കൊച്ചിൻ മൻസൂർ ഉദ്ഘാടനം ചെയ്തു. കൊച്ചിൻ മൻസൂറിനെ ക്യാഷ് അവാർഡ് നൽകി ആദരിച്ചു. ചെയർമാൻ 

എ വി റഷീദ് അലി അധ്യക്ഷത വഹിച്ചു. ജനറൽ കൺവീനർ മോഹൻ മുല്ലമല, എം മുഹമ്മദ് അസ്ലം, സുനിൽ കക്കോത്ത്, വി എം ശശികുമാർ , എം നംഷീദ്, രാധിക റാവു , ടി എസ് പ്രതാപ് , സി റഹീസ്, പി. അൻവർ , അബ്ദുൽ കലാം ആസാദ്, ബൈജു കക്കോത്ത്, അബ്ദുള്ള എളമരം, ശ്രീകുമാർ എന്നിവർ പ്രസംഗിച്ചു.

കൊച്ചിൻ മൻസൂർ മ്യൂസിക് ഷോ , ചെന്നൈ , ബാംഗ്ലൂർ എന്നിവിടങ്ങളിൽ നിന്നുള്ള അംഗങ്ങളുടെ ഗാനമേള , മണികണ്ഠൻ ത റോലിന്റെ വയലിൻ ഷോ, എം കെ ബിജോയിയുടെ വിസിൽ സോങ്ങ് എന്നിവയും ഉണ്ടായിരുന്നു.

ഫോട്ടോ: കൊച്ചിൻ മൻസൂറിന് വാർമുകിൽ ചെയർമാൻ എ വി റഷീദ് അലി മൊമെന്റോയും ക്യാഷ് അവാർഡും സമ്മാനിക്കുന്നു.